نبض الامل ..
البارت : 2 نعم اني معهم
بقلم : عصفورة الامل
في نهاية الجزء السابق كنت على سريري ودموعي قد اغرقت وسادتي
بداية الجزء الثاني :
اتصلت فيني رفيقتي زهرااء من زمااان ما شفتها قالت بتوديني وياها على البحر قمت بدرلت ملا بسي وطلعناا بصراحة حسيت انها اتقذتني لان كنت بروحي و متملله وابي اسوي اي شي ..
على البحر عان البحر حليـــو ينعش الروح ما قدرت اقاوم وحاولت اتقرب منه بس خفت وتباعدت وقعدت على حجر قريب سهيت و اني افكر .. سمعت اذا المغرب . قمنا اني زهراء من على البحر ركبا السيارة الى امها كانت فيها ..رحنا المسجد القريب صليت و ودتني البيت ركبت غرفتي وبدلت ملابسي نزلت تحت وتعشيت كنت افكر بروحي ركبت غرفتي ونمت ..
يوم ثاني الساعة 11:00
بعد كما قدمت الامتحان كنت قاعدة على المسنجر اتذكرت سالفة المهرجان ما اتذكر متى .. اكيد طاف ما اليي الى سوسن تدري عن كل شي .. اخذت تلفوني و اتصلت لها وبعد سلامات : سوسن ويش صار على المهرجان ؟؟ وشخبار ايدش ؟
سوسن : اتأجل اذا قالو متى بقول اليش ..وايدي تعورني بروح اداويها مع السلامة
لرديت عليها : اوك الله يسلمش
قعدت على النت لين ما ادن صليت ونزلت تحت طالعت التلفزيوتن وجا ابويي تكلمنا شوي وبعدين تغدينا رحت فوق غرفتي ونظفتها وتذكرت اني من زمان ما قعدت ويا بيتنا الساعة ثلاث فنزلت وقعدت معاهم وطالت قعدتنا الى الاذان بين ضحك و مزاح و اكل صليت وركبت فوق حسيت انهم كانو يبون الفكة مني ما ادري ليش من قمت الكل قام ..شي غريب ....
بعد مدة جفت تلفوني يرن : مرام تصل بك ..انسة مرام .. مرام تتصل ما اصدق امس كانت ما ترد .. شلتة و كلمتها وسهيت و ياها مدة .. سكرته الى اسمع اصوات و عفسة كأن في ناس وااايد تحت .. نزلت الصاله ..محد .. رحت الميلس ..هدوووء و ظلام و ما في اا جفت شي يلمع جيت بلمس الليت ابي اشغلة الى اصوات : هبي بيرثدي تو يو وشموع و نفافيخ في كل مكان و زينة معلقة و العاب نارية على قولتي .. و جت امي تحببني و وراها الكلمستانسين على لاني كملت دراستي .. اسامة و ابويي و اياد سلمو و طلعو ..وخلونا و يا رفيقاتي و صديقاتي و بنات خالتي و بنات عمتي ضحى و سوسن و مرام و نور و حوراء و حتى هدى رفيقتي القديمة و ندى الكل الكل .. كيك و بسبوسة و حلويات وجيلي و ببسي وعصيرات ..هداية و اغراض و المكان ضوضاء .. بدلت ثيابي لبست فستان وردي اول مرة اشوفة في كبتي ..بعدين عرفت انه هدية من امي و وياه اكسسوارات من ابوي .. استانست عدل التفت الى سوسن قلت لها بحماس : سوسن شخبار ايدش .. انجرحت واايد ؟؟؟؟ ضحكت و قالت : كنت اجذب علشان ما اخرب سالفة العيد ميلاد لاني كنت في بيتكم من الساعة ثنعش نعدل و نركب الزينة و امش مسكينة اهي الي طبخت ..قالت الله يهديها ما يصر اتدشون المطبخ بعدين بتشوفكم و بتعرف السالفة و بتخترب المفاجئة ..وانتين ما شاء الله عليش اتصلتين الينا نصنا ههه ضحكت و تقبلت الموضوع .. وكل وحدة بررت ليي .. حتة لجونة .. اي كانت هديتها دب كبير .. وفيه بطاقة على صوب مكتوب فيها بخط ايديها .. ضلينا سهرانين بين صور و اكل و ضحك و سوالف ما ضل شي ما سويناه لين الساعة وحدة امبطحت على السرير من التعب احس ان عيوني عليها طبقة احس بحساس غريب ..ان الكل جنبي .. ان لاكل يحبني .. الاي .. كان حليو .. كلما اتذكر صياحي اضحك .. ليش كنت اشعر ذاك الشعور ذاك الوقت ..
اتذكرت ان عيد ميلاد حوراء بت عمي باجرمن عيد ميلادي
.. نمت و قعد من الصبح ..
اتصلات و عفسة و اتنقل من مطعم لين مخبز لين بيت وحدة من رفيقاتها ..الحمد لله ان اسامة تقبل ورضى انه يوديني و جيبني .. اتفقنا ان يكون مفاجئة .. ..رحزة الحزة اشوة ان كل شي استوة .. اتذكرت ان المهرجان اليوم .. وتأسفت ان ما بروح .. حطينا الاغراض و برزنا كل شي المشكله ان حوراء العصر كانت بدش بس امها نادتها و الحمد لله ما شافت شي .. اتصلت ليي وقالت ان امها ما رضت تسوي ليها عيد ميلادها اتقول انها تعبانة من امس عيد ميلادي .. قعدنا انريح شوي. الساعة سبع المفروض ان حوراء تنزل ..نتصل ما ترد و سوينا ازعاج ما سمعنا صون من حجرتها .. ركبت لها امها وما نزلت الى وهي تضحك ..قلن ليها : شسالفة ؟؟؟ قالت : تراها نايمة ومهي راضيه تنزل اصيرت عليها بس ما رضت .. قلت : سمعوو سووو صوت كأنكم تصرخون في حريقة .. و امها تروح ليها خايفة بالتمثيل و اتقول الميلس احترق علشان تنزل .. وصدق نزلت بس كانت كشتها كشة و لابسة بجامة نوم .. شكلها مضحك وهي تقول : وين احترق و هي متخرعة ..هههه احنا من صوب ننشد و و و وهي مفققه حياوينها تقول شسالفة .. اختها و قلت لها تبد ثيابها و تمشط عرتها و تنزل ..طول الوقت كانت فاقة بوزها مستانسة .. كان حليو بس مو احلى من عيد ميلادي ....رجعت البيت تعباتة ..امبطحت و نمت ..
الساعة 10صبع يوم الخميس 16
من التعب ما قعت الى على صوت لجين : مومو قومي .. قووومي... قمت غسلت وجهي اتذكرت اني امس ما نمت الى بعد صلات الصبح .. نمت قبل بس بس شوي .. نزلت تريقت و طالعت التلفزيون .. اتذكرت اني اليوم بروح الحفل .. رحت بسرعة وجهزت نفسي و اتصلت لسوسو تمر عليي ..بيتهم قريب من بيتنا .. ادن صليت .. ورحت الي لجين و سولفت وياها حجيها مضحك .. قمت اتغديت .. رحت الى اللابتوب شغلتة و قعدت علية مدة .. توصلني رسائل من مجهول كلها غراميات .. اتجالها واسويها دليت .. الساعة ثلاث نزلت تقعدت مع العايلة .. و الساعة اربع قمت و رحت غرفتي لبست و نزلت .. سوت سوسن ليي رنة كملت طريقي وطلعت .. اخذت لجين ..اخذنا تذاكر و دخلنا .. كل واحد له كرسي معين .. ارتحت لان لجين ما بتضيع .. وزعو ارقام وملونين على حسب الفئة العمرية .. طلع رقمي في لعبة من الالعاب .. بناتنا ضد اولادنا .. يا ربي .. اشوة ويايي سوسن وهي صوبي .. صلبنا ان اني وسوسن انكون مع بعض لما كنا بنلعب لعبة الارجل المربوطة .. لكن فاجئتني المشرفة على الاعاب لما قالت ..رقمي و رقم وسوسن ,,انغير بنتين في فرق الاولاد و صبيين في فريق البنات .. واااه ياربي ويش هالمصادفة ..ولا بعد كانو بيربطون رجلي في رجل صبي .. بس اعترضنااا و الحمد لله قبلو الاعتراض .. كان كل شي يمشي بهدوء .. فزنا لان احنا في فريق الاولاد .. و الاولاد اسرع .. كانت لجين تحييني و لوحت لها بيدي رجعت البيت ويا لجين و رحت غرفتي بدلت ووقضيت بقايا يومي عادي حتى الساعة 12 الليل اتصلت فيني زهراء الي ودتني البحر اتخايبت اشيله وقلبته بس تم يرن و يرن .. تمللت من صوته المزعج وخفت اسويه صامت و ما يقعدني الى الصلاه رديت سمعت صوتها تصرخ ما ادري شكانت اتقول قلبي صار طبول قلت بصوت هادئ : نعم ..من معاي ؟ ؟ سمهت صوت مبحوح و بعيد : يااا ربـــ ـــ ــي ساعدني ولان الصوت كان متقطع حاولت ارفع صوتي وارفعه اكثر فاكثر .. بس ما نفع و انقطع الاتصال لمبطحت على السرير وقعدت اتذكر شصار على البحر من ضحك و اني اصيح لاني خايفه عليها .. نمت ..
الصبح17 -2 الجمعة
قعت يوم ثاني من وكت .. استاتست عدل ...مع ان امس ما ادري شصار ويمكن كابووس و نزلت تريقت و طالعت التلفزيون .. كانو خالين نونتان ...صدق هرار جهال .. طفولي .. جيت ببدل القنات الى صوت لجين : اني اطالع .. قلت : يوو من متى انتين هني ؟؟؟ لجين : من زماااان .. انتين مندمنجنجة ..حتى البابا قعد ..ضحكت علة مندمنجنجة ..تقد منذمجة ..ويلي عليها .. خليت ليها الرموت و قمت ركبت فوق غرفتي ..فتحت اللابتوب وفتحت رسائل المسن وقعد اقرأ .. رسائل وحدة عن اتج ون ان ون و الثانية عن ايميلتات و ضارها و هار جدي ..جتني اضافة .. من ايميل غريب ..قبلت النكنيم كان هوهوهاي .. ما ادري ليش دشيت غرفه اسامة .. المفرروض انه الحين مو في البيت .. الى هو في وجهي .. يا ربي رجعت على وراا و ركيض غرفتي .. واني انافخ اتذكرت شكله .. كان يتكلم في التلفون يمكن ما تنتبه لي .. كان شكلهانه منخش و ما يبي احد اشوفه .. نزل تحت واني اتسللت الى غرفتة .. نزلت تحت السرير وقعدت اشوف الاوراق ويش مكتوب فيهم ..من عادتة ان يكتب الي في خاطرة في اوراق و حطهم تحت السرير .. واني اروح و اقرأهم ..و هو ما يدري اني بقرأهم .... توني بقرأ ..حسيته دش الغرفة سكت و هدئت اما اني قلبي طبووووول طبوووول .. تماسكت شوي شوي سمعته يقول الى صبي ..كان الصوت عالي .. قال : اي هدى هذى شكلها ممله .. ماجت حتى الاحتفال ..اسامة : اي اي انا بس جدي اكلمها المهم خط ثاني جايني شكلها اهي .. رد عليها : الو هدوي و كان يتكلم بشكل كأنة يكلم رفيقة .. وفهمت من حجية ان يقص عليي و على هدى .. بس من هدى ؟؟ دش الحمام يتسبح اخذت قلم من درجة و سجلت رقمها .. رحت الغرفة وسجلته في تلفوني .. بس ما ادري ويش يصير ..ما يرضى واني ابي بسرعة بسرعة ..كتبتة في ورقة ورحت الحمام ابي اغسل يدي .. بس ما نمسح عدل .. جا اسامة وقال يبي اللاب توب ..استغربت منه هالايام وااجد ياخذة .. اخذة و راح غرفة .. اتنصت علية كان قافل الباب .. المشكلة ما اسمع الى صوت اتخططخ الايادي .. هههه قلت الحين بصلي .. صليت و مضى الوقت بسرعة واني افكر وتغديت .. قال لي ابوي بعد الغدى "الساعة ثلاث " ان الشهاد باجر .. استانست عدل و لكن بعد خفت .. اخاف مزفته في شي .. يا ربي .. ان شاء الله خير ان شاء الله خير .. مضى الوقت ادن المغرب و اتعشيت و نمت
6 صباحا
يوم ثاني السبت " قعدت من الساعة ست .. ماادري ويش اسوي .. لبست ثياب المدرسة و نزلت تحت .. ما ليي زاغر اتريق طلعت احارس الباص الى اياد طايف عليي يضحك قلت ليه بعناد : ليش تضحك .. ؟ قال : لانش غبية .. مو انتين مخلصة مدرسة و اليوم الشهادات الساعة ثنعش ؟؟؟ اتذكرت و دخلت البيت و اني اضحك على روحي .. ههه ..مو مني الخوف .. دشيت البيت سيدة ركبت فوق قبل ما احد يشوفي ويطنز عليي اكثر .. بدلت و نمت .. ما ادري الساعة كم ..مر الوقت بسرعة واني نايمة ..اتذكرت الشهادات يماااااااااااا شكلي اتأخرت يا ويلي يا ويلي ..ركيض لبست عباتي و اخذت تلفوني .. بي ..الحين اكيد بزفني ابوي .. راحت عليي ..نزلت تحت شفت ابوي بالصاله..كان قاعد وفي ايدة جوازات و اوراق و صور .. حسيته حزين ..اول مرة اشوف ابوي جدي ..ما التفت ليي ..اذكرت ان اذا تأخرت يعني ما صليت ..ركبت و تمسحت طالعت الساعة ..الا الساعة عشر .. يوو يعني ما اتأخرت قعت اقرأ قرآن لين ما ادن .. صليت و نزلت .. جفت ابوي وقلت لة يوديني المدرسة اشوف درجاتي قال انه كان ينطر من شوي .. جاف وجهي شاحب شوي ..اخذ تفاحة مقطة وقال ليي ..ما بنطلع الا لين ما تاكلين ..علامات التعجب كانت تدور في بالي ..اشفيه صار جدي فجأه ؟؟؟؟ .. كنت بموت من الخوف ..ركبت السيارة وقلبي طبول .. راحت روحي شوي ..الطريق كان طويل طويل .. و ابوي ساكت .. ما ادري ويش تسوي .. اخاف اتكلم و ابوي يعصب .. نزلت راسي و رديت رفعتة .. طالعت الشارع ..فتحت تلفوني و طالعت المكالمات السابقة انتبهت ان من بينهم مكالمة من زهراء ..مكاملمات مو مكالمة وقبل يوم تقريبا ..يعني يوم الكابوس .. ورجع الخوف ليي ..حاولت اتناسى الموضوع وما انتبهت الى روحي الا واني امشي ي طرقي الى المدرسة .. كنت لاهية .. التفت الى ابويي الى كان ساهي .. دشيت المدرسة و اني اقول ..ياااااااا رب خير ياااااااااا رب خير .. دشيت الصاله الرياضية ..اهناك يوزعون الشهايد .. اشوف بنات اصيحون .. يكسرون الخاطر ,, و بنات يضحكون ,, وبنات ضاربين الدنيا جوتي .. مو مهتمين .. ياترى بكون اني من ايهم ؟؟
نهاية البارت الثاني
مقتطفات من البارت القادم :
• وسال الدم
• بحط نمل في جوتيه
• الحمد لله
التسائلات
ويش اخبار درجات امل ؟؟
من هدى ؟؟
شسالفة ابوي ؟؟
زهراء شفيها ؟؟
من الي ضافته امل ؟؟؟
الإهداءات
« آخـــر الــمــواضــيــع »
25-07-2010, 02:49 PM
نبض الامل
العرض العادي
